1     septima sēmis (7:30) mane

 

Nōmen tibi est Antōnia. Quattuordecim (14) annōs nāta es. Frāter tuus, Crispus nōmine, parvus est. Quīnque (5) annōs nātus est. Parentēs nōn vīvunt. Abhinc quīnque annōs, māter mortua est. Cum Crispus nātus est, māter mortua est. Post ūnum annum, pater mortuus est. Pater senex nōn erat, sed tristis. Pater tristis erat quod māter mortua est. Pater mortuus est quod tristis erat.

Quod Crispus multōs annōs nātus nōn est, Crispus mātrem et patrem memoriā nōn tenet. Sed tū mātrem et patrem memoriā tenēs. Cum parva erās, multum lacrimābās, sed hodiē nōn lacrimās.
 

Necesse est cūrāre Crispum, et nōn licet tibi lacrimāre.

 

Nunc, tū et Crispus in vīllā nōn habitātis sed in tabernā. Hodiē, hominēs in hāc tabernā nōn labōrant.Taberna in quā habitātis parva est. Taberna iānuam nōn habet. Taberna pulchra nōn est. Tū et Crispus in tabernā nunc habitātis.

In urbe habitātis. Urbī nōmen est Stabiae. In urbe Stabiīs habitātis, prope Pompēiōs. Urbs nōmine Pompēiī pulchra est, sed nōn est tam pulchra quam urbs nōmine Stabiae.

​

Stabiae pulcherrimae sunt. Multae vīllae magnae Stabiīs sunt...sed vōs in vīllā nōn habitātis.

 

Hodiē in tabernā, Crispus currit et tē spectat, dīcēns, “Antōnia! Antōnia! Ēsuriō!” Crispus semper ēsurit.  Tū, vexāta, respondēs, “Crispe! Semper ēsūrīs!” Crispus, tristis, respondet, “Tē amō, Antōnia. ...sed ēsuriō. Estne cibus? Habēsne cibum? Cibum habēre volō. Antōnia, ēsūrīōōōōōōōōōō.”

Sī cibum Crispō quaerere vīs, prōgredere ad capītulum secundum (2).
Sī īrāscī vīs, quaere capītulum tertium (3).

_______________________________

Cum...natus est: when he was born

Labōrant: they work

Tam...quam: as...as